اتر پردیش: مودی سرکار نے پہلے نوٹ بند کر کے لاکھوں کو تنگ کیا تو اب غریب لوگوں کی روزی کے پیچھے پڑ گئی ہے۔ اتر پردیش کے گاؤں 'جوگی ڈیرہ' کے لوگوں کی روزی روٹی پر بھی لات مار دی اور سپیروں کے سانپ پکڑنے پر پابندی لگا دی۔
سپیروں کے بقول ان کو کوئی اور کام ہی نہیں آتا۔ کیا سرکار ان کے بچوں کو مارنا چاہتی ہے؟۔ اس گاؤں کے بچے بھی سانپوں کے ساتھ آزادنہ کھیلتے ہیں ان کو پکڑتے ہیں، اٹھاتے ہیں اور انہیں کے ساتھ کھیلتے ہی۔
ایک 65 سالہ سپیرے بوٹی ناتھ نے کہا سات نسلوں سے ہم یہ کام کرتے آ رہے ہیں اور جب بھی علاقے میں کسی کے گھر میں سانپ نکل آتا ہے تو یہ لوگ ہمیں بلاتے ہیں اور ہم ان زہریلے سانپوں کو اپنی جان پر کھیل کر پکڑتے ہیں تاکہ ان لوگوں کی زندگی کو محفوظ کیا جائے۔
