لاہور: پولیس نے ٹک ٹاکر عمر فیاض کی مدعیت میں یوٹیوبر رجب بٹ، حیدر شاہ، مان ڈوگر سمیت 7 نامعلوم افراد کے خلاف مقدمہ درج کر لیا۔
ایف آئی آر کے مطابق مان ڈوگر نے ٹک ٹاک لائیو کے دوران گالی گلوچ اور دھمکیاں دیں، جبکہ صبح کے وقت رجب بٹ، مان ڈوگر اور حیدر شاہ مسلح افراد کے ہمراہ ٹک ٹاکر کے گھر تک پہنچ گئے۔ ملزمان نے مبینہ طور پر دھمکیاں دیں کہ "ٹک ٹاک پر آنے کا مزہ چکھا دیں گے۔"
مدعی عمر فیاض کا کہنا ہے کہ ملزمان نے ان کی عزت مجروح کی اور انہیں جان کا خطرہ ہے۔
پولیس کا کہنا ہے کہ مقدمہ درج کر لیا گیا ہے اور قانون کے مطابق کارروائی عمل میں لائی جا رہی ہے۔