کراچی: کراچی کی انسداد دہشتگردی عدالت میں مصطفیٰ قتل کیس کے ملزم ارمغان کے خلاف منشیات کے دو کیسز کی سماعت ہوئی، جس دوران تفتیشی حکام کی جانب سے عدالت میں چالان اور مقدمات کی تفصیل پیش کی گئی۔
چالان کے مطابق ملزم ارمغان گزشتہ 8 سال سے ویڈ (منشیات) منگوا کر نشہ کر رہا تھا۔ چالان میں کہا گیا ہے کہ ارمغان نے یکم جولائی 2017 سے 24 اپریل 2019 تک 9 پارسل منگوائے تھے، اور یہ پارسل اپنے اور اپنے والد کے نام پر منگوائے گئے تھے۔
چالان میں مزید الزام عائد کیا گیا کہ مقدمے میں دیگر ملزمان بھی شریک ہیں، جنہوں نے کیفے اور پارٹیوں میں نشہ کیا۔ عدالت نے ملزم ارمغان کو منشیات کیس میں 18 مارچ کو دوبارہ پیش کرنے کا حکم دیا ہے۔
