واشنگٹن : وائٹ ہاؤس کی ترجمان کیرولین لیوٹ نے کہا کہ امریکہ یوکرین جنگ کے خاتمے کے لیے 24 گھنٹے کام کر رہا ہے۔ پریس کانفرنس کے دوران انہوں نے امید ظاہر کی کہ یوکرین کے صدر معدنیات سے متعلق معاہدے پر دستخط کریں گے۔
کیرولین لیوٹ نے مزید کہا کہ امریکی صدر سرحدی مسائل پر اپنے احکامات پر قائم ہیں اور جو شخص ہمارے قوانین کی خلاف ورزی کرے گا، اس کو گوانتاناموبے جیل بھیجا جائے گا۔ ترجمان نے یہ بھی بتایا کہ صدر ٹرمپ غزہ کی پٹی سے تمام یرغمالیوں کی واپسی چاہتے ہیں اور سرحدی دیوار کا قیام ان کی انتخابی مہم کا اہم حصہ ہے۔ اس کے ساتھ ہی امریکہ کی سرحدوں پر نگرانی مزید سخت کی جا رہی ہے۔
کیرولین لیوٹ نے کہا کہ ایلون مسک صدر ٹرمپ کی کابینہ کے پہلے اجلاس میں شرکت کریں گے اور وہ صدر کے سینئر مشیر کی حیثیت رکھتے ہیں۔
