لاہور : چیمپئنز ٹرافی میں آج انگلینڈ اور افغانستان کے درمیان جوڑ پڑے گا، جو کہ سیمی فائنل کی دوڑ میں رہنے کے لیے دونوں ٹیموں کے لیے انتہائی اہم ہے۔ یہ میچ قذافی سٹیڈیم میں دن 2 بجے شروع ہوگا۔
دونوں ٹیموں نے قذافی سٹیڈیم میں پریکٹس سیشنز کے دوران بیٹنگ، بولنگ اور فیلڈنگ کی مشقیں کیں۔ افغان کپتان حشمت اللہ شاہدی نے کہا کہ انگلینڈ کی کرکٹ ٹیم دنیا کی بہترین ٹیموں میں شامل ہے اور ہم مثبت ذہنیت کے ساتھ کھیلنے کا ارادہ رکھتے ہیں، امید ہے کہ ہمیں سپنرز سے مدد ملے گی۔ انگلینڈ کے کپتان جوز بٹلر نے کہا کہ افغانستان کے پاس اچھے سپنرز ہیں، لیکن ہمارے پاس کوالٹی فاسٹ بولرز ہیں، اور ہم میچ میں بہترین کارکردگی کا مظاہرہ کریں گے۔
