کوئٹہ: ڈاکٹر نے خان محمد مری کی 17 سالہ بیٹی فرزانہ سے جنسی زیادتی کی تصدیق کر دی۔
ڈاکٹر عائشہ فیض کا کہنا ہے کہ خان محمد مری کی اہلیہ، بیٹی اور دو بیٹوں کے ڈی این اے ٹیسٹ کیلئے نمونے لے لیے گئے ہیں ، ڈی این اے ٹیسٹ کیلئے حاصل کئے گئے نمونے پنجاب فرانزک بھیجے گئے ہیں۔جبکہ گراں ناز کے ساتھ زیادتی کے شواہد نہیں ملے، ان پر صرف جسمانی تشدد کیا گیا۔ بائیں پاؤں پر سگریٹ سے جلنے کے نشانات بھی ہیں۔
ڈاکٹر عائشہ فیض نے مزید کہا کہ خان محمد مری کے دو بیٹوں نے بھی جنسی زیادتی کئے جانے کا بیان دیا ہے ۔
واضح رہے 2 روز قبل بلوچستان کے علاقے بارکھان سے خان محمد مری کی بیوی، بیٹی اور 4 بیٹوں کو بازیاب کرایا گیا تھا، صوبائی وزیر سردار عبدالرحمان کھیتران پر گراں ناز مری اور ان کے بیٹوں کو یرغمال بنانے اور قتل کرنے کا الزام تھا جس پر انہیں حراست میں لیا گیا۔