لاہور: بی این پی مینگل کے سربراہ اختر مینگل نے پاکستان مسلم لیگ ن کے صدر شہباز شریف سے ملاقات کی ہے۔ ملاقات میں ملک کی سیاسی اور معاشی صورتحال پر گفتگو کی گئی ۔
ملاقات کے بعد اختر مینگل کے ہمراہ میڈیا سے گفتگو کرتے ہوئے شہباز شریف نے کہا کہ اختر مینگل کے ساتھ تحریک عدم اعتماد پر بھی بات ہوئی ہے ۔ ہوم ورک مکمل ہے ہم مشاورت سے کام کرتے ہیں ۔تیاری کر رہے ہیں جلد تحریک عدم اعتماد پیش کریں گے۔
بلوچستان نیشنل پارٹی کے سربراہ سردار اختر جان مینگل پاکستان مسلم لیگ (ن) کے صدر اور قائد حزب اختلاف شہبازشریف کی رہائش گاہ پہنچ گئے
— PMLN (@pmln_org) February 26, 2022
آمد پر سردار اختر مینگل کا شہبازشریف نے پرتپاک استقبال کیا
سردار اختر مینگل کو شہبازشریف نے دعوت پر مدعو کیا ہے pic.twitter.com/ubUQuUILhb
بی این پی کے سربراہ اختر مینگل کا کہنا تھا کہ بلوچستان کے مسائل سیاسی طور پر حل ہوسکتے ہیں ۔عوام پر تبدیلی تو نہیں آئی مایوسی ضرور آئی ہے۔عوام کے مسائل حل کرنے کا اب وقت آگیا ہے ۔عدم اعتماد پر ہوم ورک ہو رہا ہے پی ڈی ایم نے پہلے بھی متفقہ طور پر فیصلے کیے ابھی کریں گے۔
