نئی دہلی :دم دبا کر بھاگنے والی بھارتی فضائیہ کی کارروائی کے بعد بھارتی میڈیا نے ایک ویڈیو بھی جاری کی جس سے متعلق یہ دعویٰ کیا گیا کہ یہ ویڈیو آج صبح پاکستان میں بھارتی فضائیہ کے طیاروں کی جانب سے کی جانے والی کارروائی کی ویڈیو ہے۔
بھارتی ٹی وی چینل اے بی پی نے اس ویڈیو کو اپنے ٹویٹر اکاؤنٹ پر بھی شئیر کیا اور دعویٰ کیاکہ یہ ویڈیو بھارت کی پاکستان کے خلاف فضائی کارروائی کی ویڈیو ہے۔
بھارتی میڈیا نے دعویٰ کیا کہ بھارتی فضائیہ نے پاکستان میں دہشتگرد کے ٹھکانوں پر حملہ کر کے پلوامہ حملے کا بدلہ لے لیا ہے اور پاکستان کو سبق سکھا دیا ہے۔
The Unseen Video Of India's Huge Strike Against Pakistan#PulwamaRevenge pic.twitter.com/JfQLtGSbMM
— ABP News (@abpnewstv) February 26, 2019
تاہم بغیر تحقیق کیے اور بغیر سوچے سمجھے اس ویڈیو کو پوسٹ کرنے اور اس سے متعلق بھونڈا دعویٰ کرنے پر بھارت کی ایک مرتبہ پھر سے پوری دنیا میں جگ ہنسائی ہو گئی۔
بھارتی میڈیا کی جانب سے دکھائی جانے والی یہ ویڈیو آج کی نہیں بلکہ در اصل تین سال پُرانی ہے۔ یہ ویڈیو 2016ء کی ویڈیو ہے جو یوٹیوب پر بھی موجود ہے۔
The whole Indian Media is using this old video from 2016 as footage from #IndianAirForce intrusion along LOC.
— Musa (@MusaVirk18) February 26, 2019
????????
Youtube Link : https://t.co/z9hpo1d8sB pic.twitter.com/CYSmJpE9IU
لیکن بھارتی میڈیا اس ویڈیو کو پاکستان میں بھارتی فضائیہ کی کارروائی کے طور پر پیش کر رہا ہے جس سے صاف ظاہر ہے کہ بھارت کے بھونڈے دعوے ہمیشہ ہی پوری دنیا میں اس کی جگ ہنسائی کا باعث بنتے ہیں۔ بھارت کے پاکستان میں سرجیکل اسٹرائیکس کے دعوے کی طرح آج کا دعویٰ بھی یکسر جھوٹا اور بے بنیاد ہے۔
