لاہور : آزاد کشمیر میں چند مقامات پر بارش اور برفباری کی پیشگوئی کی گئی ہے۔ اس کے ساتھ ہی ملک کے بیشتر علاقوں میں موسم سرد اور خشک رہنے کا امکان ہے، خصوصاً پہاڑی علاقوں میں صبح اور رات کے اوقات میں شدید سردی متوقع ہے۔
بالائی سندھ اور پنجاب کے چند میدانی علاقوں میں رات کے وقت دھند چھائے رہنے کی توقع ہے۔ اسلام آباد اور اس کے گرد و نواح میں بھی سرد اور خشک موسم رہے گا، اور صبح کے اوقات میں شدید سردی محسوس ہو گی۔ بلوچستان کے بیشتر علاقوں میں موسم سرد اور خشک رہے گا، اور پہاڑی علاقوں میں صبح و رات کے اوقات میں شدید سردی کا امکان ہے۔
پنجاب کے مختلف اضلاع میں بھی موسم سرد اور خشک رہے گا، تاہم مری، گلیات اور ان کے گرد و نواح میں شدید سرد موسم متوقع ہے۔ سیالکوٹ، نارووال، گوجرانوالہ، لاہور، فیصل آباد، ملتان اور دیگر علاقوں میں ہلکی سے درمیانی دھند چھائے رہنے کا امکان ہے۔سندھ کے بیشتر علاقوں میں سرد اور خشک موسم رہے گا، تاہم رات کے اوقات میں سکھر، شہید بینظیر آباد، خیر پور اور دیگر علاقوں میں ہلکی دھند چھائے رہنے کی توقع ہے۔
خیبرپختونخوا کے بیشتر اضلاع میں موسم سرد اور خشک رہے گا، اور ایبٹ آباد، مانسہرہ، پشاور اور دیگر علاقوں میں سردی کی شدت برقرار رہے گی۔ گلگت بلتستان میں شدید سرد اور خشک موسم کی پیشگوئی کی گئی ہے، جبکہ آزاد کشمیر میں چند مقامات پر بارش اور برفباری ہو سکتی ہے۔
