منیلا:فلپائن میں سمندری طوفان ٹرامی نے بڑی تباہی مچادی ، اس کے نتیجے میں 40 افراد ہلاک اور ہزاروں لوگ بے گھر ہو چکے ہیں۔ شمال مشرقی فلپائن میں طوفان سے تباہی ہوئی ہے۔
بہت سے لوگ اپنے گھروں میں پھنس گئے ہیں، اور سڑکیں بہہ جانے کے باعث حالات مزید بگڑ گئے ہیں۔ تقریباً 10 ہزار افراد بے گھر ہو چکے ہیں، اور صرف دو دن میں دو ماہ کی بارش کا ریکارڈ قائم ہوا ہے۔
پولیس اور ریسکیو ٹیمیں متاثرین کی مدد کے لیے سرگرم ہیں اور انہیں محفوظ مقامات پر منتقل کرنے کی کوشش کر رہی ہیں۔ یہ صورتحال انسانی زندگیوں کے لیے خطرہ تو ہے ہی، بلکہ معیشت اور بنیادی ڈھانچے کے لیے بھی سنگین چیلنجز پیش کر رہی ہے۔
