لاہور : مسلم لیگ (ن) کے صدر نواز شریف لاہور ایئرپورٹ سے دبئی کے لیے روانہ ہوگئے ہیں۔ پارٹی ذرائع کے مطابق، وہ دبئی سے ایک روز قیام کے بعد لندن جائیں گے۔
نواز شریف نے غیرملکی ایئرلائن کی پرواز ای کے 625 کے ذریعے صبح 9:22 بجے اڑان بھری۔
ان کے دورے کے دوران، نواز شریف امریکا، لندن اور یورپ بھی جائیں گے۔ 29 اکتوبر کو وہ لندن سے امریکا جائیں گے اور وہاں 4 روز گزارنے کے بعد دوبارہ لندن واپس آئیں گے۔
یاد رہے کہ نواز شریف نے پہلے اپنے چیک اپ کے لیے لندن جانے کا ارادہ کیا تھا، لیکن آئینی ترامیم کی وجہ سے انہوں نے اپنا دورہ ملتوی کر دیا تھا۔ اب وہ لندن میں اپنا چیک اپ کروائیں گے اور اہم سیاسی ملاقاتیں بھی متوقع ہیں۔