روسی مسلمان فائٹر خبیب نے اپنی آخری فائٹ جیت کر ریکارڈ قائم کردیا

متفرق خبریں کھیل 
 
KHABIB,UFC Champion,Mother Promise,world record, retirement
کیپشن: KHABIB,UFC Champion,Mother Promise,world record, retirement

دبئی:ماں سے وعدہ کرکے آنے والے خبیب نارموگودو نے اپنی آخری فائٹ جیت کر ریکارڈ قائم کردیا۔

تفصیلات کے مطابق روسی نژاد باکسر نے اپنے شاندار کیرئر کا اختتام بھی بھرپور اندازاور کامیابی کے ساتھ کیا ہے۔یو ایف سی چیمپئن شپ کا معرکہ مارنے والے خبیب نے رنگ میں اترتے ہوئے جبڑوں اور باڈی پر تابڑ توڑ حملے کیے اور اپنے حریف کو پچھاڑ کر رکھ دیا مگر دوسرے راؤنڈ میں اپنی حکمت عملی بدلتے ہوئے اسے نیچے گرایااور اس کی سانس روک دینے جیسا کام کیا۔ناقابل شکست خبیب نے آخری مقابلے میں اپنے حریف جسٹن کو ناک آئوٹ شکست دی۔خبیب کے سکور بورڈ یا کامیابی بورڈ کی طرف دیکھا جائے تو وہ 29-0ہے جو کہ ایک شاندار ریکارڈ ہے۔

خواجہ آصف کی لندن پولیس میں چاقو سے قتل کی دھمکی کی رپورٹ درج

فتح کے بعد خبیب اپنے جذبات پر قابو نہ رکھ سکے اور ان کی آنکھوں سے اپنے والد کو یاد کرتے ہوئے آنسو چھلک پڑے جبکہ خبیب نے جیت کی خوشی میں سجدہ ریز ہوکر اللہ تعالیٰٰ کا شکر بھی ادا کیا۔


مقابلے میں فتح کے بعد خبیب نے میڈیا سے بات کرتے ہوئے کہا کہ ”الحمداللہ یہ میری آخری فائٹ تھی۔یہ نہیں ہو سکتا کہ میں کبھی اپنے والد کے بغیر اب یہاں واپس آؤں۔جب یو ایف سی نے مجھے جسٹن کے ساتھ مقابلے کے لیے کال کیا تو میں نے اپنی والدہ سے تین دن تک بات کی۔مگر وہ اس بات پر رضا مند ہونے کو ہی نہیں آ رہی تھی کہ میں مقابلے کے لیے اپنے والد کے بغیر اکیلا یہاں آؤں۔لہٰذا میں نے ان سے وعدہ کیا کہ یہ میرے کیریئر کی آخری فائٹ ہو گی۔اب چونکہ میں وعدہ کر چکا ہوں اس لیے مجھے ہر صورت نبھانا پڑے گا۔لہٰذا یہاں یہ میری آخری فائٹ تھی۔“

چیمپئنز ٹرافی کی  ٹرافی ٹور دبئی سے اسلام آباد منتقل، 16 نومبر سے آغاز


یوں 32سال کی عمر میں ایک بہترین فائٹر رنگ سے ریٹائرمنٹ لے کر آ گیا۔اگر خبیب کے کیریئر پر نظر ڈالی جائے تو اس نے 29فائٹس لڑی ہیں اور یہ ساری کی ساری جیتی ہیں۔


ان میں سے 8مقابلے ناک آؤٹ جیتے ہیں،10مقابلے ججز کے فیصلوں سے اور 11مقابلے سب مشن سے جیت کر اپنے نام کیے ہیں۔لائٹ ویٹ فائٹ کی تاریخ میں خبیب کے جیسا کامیاب اور فاتح ترین فائٹر اور کوئی نہیں تھا۔

سٹیٹ بینک کے ذخائر میں 8 کروڑ 40 لاکھ ڈالر کا اضافہ، مجموعی ذخائر 15 ارب 96 کروڑ ڈالر سے تجاوز کر گئے


روس کے مسلمان فائٹر خبیب نے یو ایف سی کی سب سے بڑی فائٹ میں آئر لینڈ کے کانر مک گریگر کو ہرا کر چیمپئن شپ اپنے نام کر لی  تھی تاہم انتظامیہ نے انھیں بیلٹ دینے سے انکار کر دیا تھا۔


خبیب کے خلاف لڑتے ہوئے آئرلینڈ کے کانر مک گریگر نے چوتھے راؤنڈ میں ہتھیار ڈال دیے، لیکن فائٹ جیتنے کے بعد خبیب نے مک گریگر کی ٹیم پر حملہ کر دیا جس پر ہنگامہ کھڑا ہوگیا۔

پاکستان میں سونے کی قیمت میں بڑی کمی، فی تولہ 5,500 روپے سستا


مک گریگر نے ’ٹیپ آؤٹ‘ کیا تو فائٹ جیتنے پر خبیب اپنے جذبات پر قابو نہ رکھ سکے اور مک گریگر کی ٹیم پرحملہ کر دیا، جس پر یو ایف سی انتظامیہ نے خبیب کو لائٹ ویٹ ٹائٹل دینے سے انکار کر دیا۔