دبئی :پاکستانی اداکار سعود قاسمی اور بھارتی ماڈل و اداکارہ نورا فتیحی کی ملاقات کی ویڈیو سوشل میڈیا پر وائرل ہو گئی۔ سعود کی اہلیہ جویریہ سعود نے انسٹاگرام پر ایک ویڈیو شیئر کی، جس میں سعود کو نورا کے ساتھ گرمجوشی سے ملاقات کرتے ہوئے دیکھا گیا۔
ویڈیو میں سعود کو نورا سے ہاتھ ملاتے اور ایک ساتھ بیٹھے دیکھا گیا۔ اس ویڈیو کے وائرل ہونے کے بعد ایک نجی ٹی وی پروگرام میں بطور مہمان شریک ہونے والے سعود قاسمی سے اس ملاقات کے حوالے سے سوال کیا گیا۔
سعود نے وضاحت دیتے ہوئے بتایا کہ ان کے چھوٹے بھائی کی کرکٹ لیگ کا میچ جاری تھا، جس میں نورا فتیحی اور گلوکار میکا سنگھ سمیت کئی مشہور شخصیات شرکت کے لیے موجود تھیں۔ دورانِ میچ ان کی نورا فتیحی سے ملاقات ہوئی۔
انہوں نے مزید کہا کہ کسی نے ان کی ویڈیو بنا کر مذاقاً جویریہ کو بھیج دی اور یہ ظاہر کیا کہ سعود نورا کے ساتھ بہت انجوائے کر رہے ہیں۔ جویریہ نے ویڈیو کو اپنے انسٹاگرام پر پوسٹ کر دیا، جو دیکھتے ہی دیکھتے وائرل ہو گئی۔
سعود نے یہ بھی واضح کیا کہ ویڈیو ان کے علم میں نہیں تھی اور ان کا نورا کی طرف کوئی خاص توجہ نہیں تھی۔ یہ ویڈیو کسی اور نے بنائی اور جویریہ کو مذاق کے طور پر بھیجی تھی۔
یہ خبر سوشل میڈیا پر صارفین کے درمیان ایک دلچسپ موضوع بنی ہوئی ہے۔
