مٹیاری: مٹیاری کی تحصیل نیو سعید آباد کے نواحی علاقے بکھر جمالی میں شوہر امداد جمالی نے اپنی بیوی رابعہ افشا کو قتل کر دیا۔ پولیس نے ملزم کو گرفتار کر لیا ہے، مگر وہ ابھی تک اس قتل کی وجوہات کے بارے میں کچھ نہیں بتا رہا۔
مقتولہ رابعہ افشا کے اہل خانہ دبئی میں مقیم ہیں اور حالیہ دنوں میں عمرہ کے لیے سعودی عرب روانہ ہوئے ہیں۔ پولیس کا کہنا ہے کہ کیس ورثاء کے پہنچنے کے بعد ہی درج کیا جائے گا۔
رابعہ افشا تین بچوں کی ماں تھیں اور سندھ پبلک سروس کمیشن کے ذریعے منتخب ہو کر بکھر جمالی ہائر سیکنڈری سکول میں لیکچرار کے طور پر کام کر رہی تھیں۔