کراچی: مدھوبالا ہتھنی کی سفاری پارک منتقلی کی تیاریاں مکمل کر لی گئی ہیں۔ فور پاز تنظیم کی ٹیم نے منتقلی کے انتظامات کو حتمی شکل دے دی ہے۔
مدھوبالا، جو 15 سال سے کراچی چڑیا گھر میں مقیم تھی، کل سفاری پارک منتقل ہو گی جہاں سونیا اور ملائیکہ ہاتھنی پہلے ہی رہائش پذیر ہیں۔ منتقلی سے قبل مدھوبالا کی صحت کا مکمل جائزہ لیا جائے گا اور منتقلی کے روٹ کی کلیئرنس بھی حاصل کی جائے گی تاکہ یہ عمل محفوظ اور کامیاب ہو سکے۔
