نئی دہلی: کرتار پور بارڈر کھولنے کی تقریب میں وزیرخارجہ شاہ محمود قریشی کی دعوت پر بھارتی وزیر خارجہ سشما سوراج نے پاکستان آنے سے معذرت کرلی ہے۔
بھارتی میڈیا رپورٹس کے مطابق وزارت خارجہ سے جاری بیان میں سشما سوراج نے سکھوں کے مذہبی مقام کرتار پور گوردوارا کے لیے پاکستان کی جانب سے راہداری کا سنگ بنیاد رکھنے کی تقریب میں شرکت سے معذرت کرلی۔
سشما سوراج نے تقریب میں شرکت پر پاکستانی وزیر خارجہ شاہ محمود قریشی کا شکریہ ادا کرتے ہوئے کہا کہ وہ پہلے سے طے شدہ سرگرمیوں اور تلنگانہ اسمبلی کے انتخابات کی مصروفیات کے باعث نہیں آسکتیں۔
Since I am unable to travel to Kartarpur Sahib on the scheduled date, Government of India will be represented by my esteemed colleagues Mrs.Harsimrat Kaur Badal and Mr.H.S.Puri. /2
— Sushma Swaraj (@SushmaSwaraj) November 24, 2018
سشما سوراج کے مطابق کرتار پور راہداری کا سنگ بنیاد رکھنے کی تقریب میں دو بھارتی وزرا ہرسمرات کور بادل اور مسٹر ایچ ایس پوری شرکت کریں گے، ہمیں امید ہے کہ حکومت پاکستان راہداری بنانے اور بارڈر کھولنے کا عمل جلد از جلد مکمل کرلے گی تاکہ سکھ برادری کو گوردوارا کرتار پور میں مذہبی رسومات کی ادائیگی کا مل سکے۔
We hope that the Government of Pakistan will expedite construction of the corridor in order to ensure that our citizens can pay their respects at the Gurudwara Kartarpur Sahib using the corridor as soon as possible. /3
— Sushma Swaraj (@SushmaSwaraj) November 24, 2018
بھارتی وزیر خارجہ نے مزید کہا کہ میری معذرت کو غلط رنگ نہ دیا جائے، ہم اس دعوت کا خیر مقدم کرتے ہیں اور بھارتی کی نمائندگی کے لیے دو وزرا کو بھیج رہے ہیں،
خیال رہے کہ 28 نومبر کو کرتار پور راہداری کھولنے کا سنگ بنیاد رکھا جائے گا جس میں شرکت کے لیے وزیر خارجہ شاہ محمود قریشی نے بھارتی ہم منصب سشما سوراج کو بھی پاکستان آنے کی دعوت دی ہے۔
Please do not spread disinformation. We welcome this proposal and we are sending two Ministers to represent Government of India. https://t.co/Xiciu74ljy
— Sushma Swaraj (@SushmaSwaraj) November 24, 2018
دفتر خارجہ کے مطابق وزیر خارجہ شاہ محمود قریشی نے بھارتی وزیر خارجہ سشما سوراج، وزیر اعلیٰ بھارتی پنجاب امریندر سنگھ اور بھارتی وزیر سیاحت نوجوت سنگھ سدھو کو کرتار پور بارڈر کی افتتاحی تقریب میں شرکت کی دعوت دی ہے۔ وزیر خارجہ کی طرف سے اس تقریب کے دعوت نامے بھی ارسال کردیے گئے ہیں۔
