لاہور: پاکستان تحریک انصاف (پی ٹی آئی ) کے رہنما حماد اظہر نے لاہور شہر کے عوام سے اپیل کی ہے کہ تمام لوگ بتی چوک پہنچیں، کوئی گھر پر نہ بیٹھے۔
سماجی رابطے کی سائٹ ٹوئٹر پر جاری اپنے بیان میں حماد اظہر نے کہا کہ تمام لوگ بتی چوک لاہور پہنچیں۔ آج تاریخ رقم کرنے کا دن ہے۔ کوئی گھر نہ بیٹھے۔
تمام لوگ بتی چوک لاہور پہنچیں۔ آج تاریخ رقم کرنے کا دن ہے۔ کوئی گھر نہ بیٹھے۔
— Hammad Azhar (@Hammad_Azhar) May 25, 2022
خیال رہے کہ پاکستان تحریک انصاف کے چیئرمین عمران خان نے آج ڈی چوک اسلام آباد پہنچنے کا اعلان کیا ہے۔
دوسری جانب پی ٹی آئی کے لانگ مارچ کو روکنے کیلئے حکومت نے پنجاب کے مختلف شہروں کی سڑکیں ٹرک اور کنٹینرز لگا کر بلاک کر دی ہیں ۔ جبکہ شہر اقتدار میں مارچ کو روکنے کیلئے فیض آباد انٹرچینج کو سیل کردیا گیا ہے،جڑواں شہروں کے تمام بس اڈے بھی سیل کرکے ٹرانسپورٹرز کو گاڑیاں سڑکوں پر نہ لانے کی ہدایت کی گئی ہے۔
