کراچی:روشنیوں کے شہر میں کرکٹ کی رنگینیاں،نیشنل سٹیڈیم کراچی میں میدان سجے گا،کھیل جمے گا،چوکے،چھکے لگیں گے،وکٹیں اڑیں گی ،زلمی کا جادو چلے گا یا یونائیٹڈ چھکے چھڑائےگی؟فیصلہ آج ہوگا۔ذرائع کے مطابق پاکستان سپر لیگ کے فائنل سے قبل رنگارنگ اختتامی تقریب منعقد کی جائے گی جس میں معروف گلوکارآوازوں کاجادوجگائیں گے۔
یہ بھی پڑھیں:پی ایس ایل تھری کی ٹرافی کی رونمائی ، ڈیرن سیمی کی حرکت سے قہقہے لگ گئے
کراچی کے نیشنل سٹیڈیم میں آج شام 6 بجے ہونے والی اختتامی تقریب میں گلوکارعلی ظفر، شہزاد رائے، عائمہ بیگ، فرحان سعید اور سٹرنگز بینڈ پرفارم کریں گے۔ فائنل کے بعد شاندارآتشبازی بھی کی جائے گی۔
Karachi get ready for night full of fun and entertainment! Here's the artist line-up for tomorrow's closing ceremony.#HBLPSL #DilSeJaanLagaDe pic.twitter.com/DGP1CFUOZZ
— PakistanSuperLeague (@thePSLt20) March 24, 2018
خیال رہے کہ پی ایس ایل تھری کی افتتاحی تقریب دبئی میں ہوئی تھی جس میں امریکی گلوکار جسٹن ڈیرولو، پاکستان کے نامور گلوکاروں عابدہ پروین، علی ظفرودیگرنے پرفارم کیا تھا جبکہ آج ہونے والے فائنل کی اختتامی تقریب میں بھی گلوکار اپنی آواز کا جادو جگا کر شائقین کرکٹ کو محظوظ کریں گے۔
