مینلوپارک: یوٹیوب نے انسٹاگرام اور ٹویٹر کی طرح کسی فین کی طرف سے مشہور شخصیت یا ادارے پر بنائے جانے والے اکاؤنٹس کے متعلق نئی ہدایات اور قدرے سخت شرائط عائد کر دی ہیں۔ اس کا فائدہ مشہور شخصیات، فنکاروں اور کھلاڑیوں کو ضرور ہوگا۔
یوٹیوب کے مطابق 21 اگست سے نافذ کی جانے والی پالیسی میں اب فین اکاؤنٹس بنانے والے یوٹیوبر کو سختی سے کہا گیا ہے کہ واضح کیا جائے یہ مشہور شخصیت کا اپنا چینل نہیں اور نہ ہی اس ادارے، شخصیت یا مشہور اداکار کا حقیقی ترجمان ہے۔ اس کی وجہ یہ ہے کہ فین چینل الٹی سیدھی معلومات اور ویڈیو نشرکرکے لوگوں کو گمراہ کرتے رہیں۔ یہی وجہ ہے کہ خود مشہور شخصیات اس سے بہت نالاں ہیں۔
پلیٹ فارم چینل پر واضح کرنا ہوگا کہ اس کا نام اور دیگرتفصیلات حقیقی تخلیق کار سے تعلق نہیں رکھتیں۔اس کے علاوہ اسی نام اور اوتار استعمال کرنے کی صورت میں حقیقی چینل سے معمولی تبدیلی کرنا ہوگی۔
