اسلام آباد: وفاقی وزیربرائے منصوبہ بندی و ترقی احسن اقبال نے پاکستان کے تعلیم یافتہ اور باصلاحیت نوجوانوں کو وزارت منصوبہ بندی و ترقی کے نیٹ ورک میں شامل ہونے کی پیشکش کر دی۔
سماجی رابطے کی ویب سائٹ ٹویٹرپروفاقی وزیر احسن اقبال نے اپنی اس پیشکش کا پس منظربتاتے ہوئے کہا کہ آج میں لاہور کے مال میں کافی کے لیے رکا تو ایک صاحب نے اپنا تعارف کروایا تو میں نے دیکھا کہ انہوں نے سٹینفورڈ یونیورسٹی، امریکہ سے انجینئرنگ میں ماسٹرز اور پی ایچ ڈی کی ہے۔انہوں نے مزید لکھا کہ میں نے اسے کہا کہ آپ نے قومی اثاثہ دریافت کرکے میرا دن بنادیا ہے۔
وفاقی وزیر احسن اقبال نے کہا کہ میں ایسے تمام اعلیٰ تعلیم یافتہ اور باصلاحیت لوگوں سے درخواست کرتا ہوں کہ وہ منصوبہ بندی اور ترقی کی وزارت کے ذریعے شروع کیے گئے چیمپیئنز آف ریفارم (COR) نیٹ ورک میں شامل ہوں تاکہ قوم ان کی مہارت سے فائدہ اٹھا سکے۔
Today I stopped for coffee at Mall of Lahore and a gentleman introduced himself and I found that he had Masters and Ph.D from Stanford University, USA in engineering. I told him that you have made my day by discovering a national asset. There are many like him. I urge all such…
— Ahsan Iqbal (@betterpakistan) July 24, 2023
نوجوان کو قومی اثاثہ قراردینے والے احسن اقبال نے ٹویٹر پراپنے پیغام میں کہا کہ ایسے بہت سے نوجوان ہیں جو اعلیٰ تعلیم یافتہ اور باصلاحیت ہیں۔
