لاہور: وزیراعظم کے معاون خصوصی ڈاکٹر شہباز گل نے کہا ہے کہ پلان کے تحت اپنے امیدوارسے بھارت سے مدد مانگنے کا بیان دلایا گیا۔
حلقہ ایل اے 35 جموں 2 سے مسلم لیگ ن کے امیدوار محمد اسمعٰیل گجر نے شکست کے خوف سے بھارت سے مدد مانگنے اور حالات خراب کرنے کی دھمکی دی۔
لیگی امیدوار کی دھمکی پر ردعمل دیتے ہوئے شہباز گل نے کہا کہ نواز شریف کے بیانات کو بھارت نے آئی سی جے میں بطور ثبوت پیش کیا پلان کے تحت اپنے امیدوار سے بھارت سے مدد مانگنے کا بیان دلایا گیا اور بھارت کو موقع دیا گیا کہ آزاد کشمیر ، مقبوضہ کشمیر کے حالات کو ایک جیسا دکھائے یہ سب مودی نواز محب پلان کا حصہ ہے۔
نواز شریف کے بیانات کو انڈیا نے عالمی عدالت میں کلبھوشن کے حق میں ثبوت کے طور پر پیش کیا
— Dr. Shahbaz GiLL (@SHABAZGIL) July 25, 2021
پلان کے تحت اپنے امیدوارسے بھارت سے مدد مانگنے کابیان دلوایا گیا
انڈیا کو 1اور موقع فراہم کیا گیا کہ آزاد کشمیر اور مقبوضہ کشمیر کے حالات کو ایک جیسا دکھائے
یہ سب مودی نواز محب پلان کا حصہ ہے
انہوں نے کہا کہ کچھ جماعتیں دھاندلی کا مشترکہ رونا رو رہی ہیں یہ جماعتیں الیکشن ریفارمز ،ٹیکنالوجی کے استعمال کی سب سےبڑی مخالف ہیں ان کا سیاپادھاندلی ہونے پر نہیں دراصل دھاندلی نہ ہونے دینےپرہے بقول شاہد خاقان عباسی ن لیگ کو الیکشن چوری کا وسیع تجربہ ہے ان جماعتوں کو تجربہ دھرے کا دھرا رہنے کی تکلیف ہے۔
گورنرسندھ عمران اسماعیل نے آزاد کشمیر میں ن لیگ کے امیدوار اسماعیل گجر کے ملک مخالف بیان پر ردعمل دیتے ہوئے کہا کہ یہ کوئی نئی بات نہیں ہے ان لوگوں نے ہمیشہ ہی پاکستان کے دشمنوں سے ہاتھ ملایا ان کے مفرور لیڈر بھی یہی سوچ رکھتے ہیں۔
گورنرسندھ نے کہا کہ آج انشاءاللہ حق کی فتح کا دن ہے انہوں نے ٹوئٹ میں شعر لکھا کہ
کعبہ کس منہ سے جاﺅں گے غالب
شرم تم کو مگر نہیں آتی
