کراچی :پاکستان پیپلز پارٹی ( پی پی پی ) نے الزام لگایا ہے کہ قومی اسمبلی کے حلقہ 246 لیاری سے بلاول بھٹو زرداری کے چیف پولنگ ایجنٹ سینیٹر یوسف بلوچ پر حملہ کیا گیا ہے اور پاکستان تحریک انصاف ( پی ٹی آئی ) اور پاک سر زمین پارٹی ( پی ایس پی ) کے مسلح افراد ٹھپے لگا رہے ہیں۔
الیکشن کمیشن عملہ اور سیکیورٹی اہل کاروں کی موجودگی میں پی پی کے پولنگ ایجنٹوں کو نکالا گیا، سینیٹرتاج حیدر
— PPP (@MediaCellPPP) July 25, 2018
الیکشن کمیشن این اے 230 اور پی ایس 73 میں کھلی دھاندلی کا نوٹس لے، سینیٹرتاج حیدر
سماجی رابطے کی ویب سائٹ ٹوئٹر پر ٹوئٹ کرتے ہوئے پیپلز پارٹی کے ترجمان سینیٹر مصطفیٰ نواز نے دعویٰ کیا کہ لیاری میں رینجرز اہلکاروں نے بلاول بھٹو کے چیف پولنگ ایجنٹ کو دھکے دے کر باہر نکال دیا۔
بدین کے پولنگ اسٹیشنز سے پاکستان پیپلزپارٹی کے پولنگ ایجنٹوں کو نکال دیا گیا، سینیٹر تاج حیدر
— PPP (@MediaCellPPP) July 25, 2018
ووٹوں کی گنتی کے وقت پولنگ ایجنٹوں کو نکالا جانا قابل مذمت ہے، سینیٹر تاج حیدر
مرزا گروپ کے پولنگ ایجنٹوں کے سامنے ووٹوں کی گنتی ہورہی ہے، سینیٹرتاج حیدر
انہوں نے کہا کہ یوسف بلوچ کو رینجرز اہلکاروں اور پی ایس پی کے لوگوں نے لالا جسونت رائے پرائمری اسکول کے پولنگ اسٹیشن چیل چوک سے باہر نکالا۔
الیکشن کمیشن تمام پولنگ سٹیشنوں پر بلاول بھٹو کے ایجنٹوں کی موجودگی یقینی بنائے، سینیٹر مصطفی نواز کھوکھر
— PPP (@MediaCellPPP) July 25, 2018
سینیٹر مصطفیٰ کھوکر نے کہا کہ پولنگ اسٹیشن میں بلاول بھٹو کے پولنگ ایجنٹ کے بغیر ووٹوں کی گتنی جاری ہے ، انہوں نے مطالبہ کیا کہ الیکشن کمیشن اس لاقانونیت کا نوٹس لے اور معاملات کو ضابطے میں لائے۔
