ملتان: پاکستانی باؤلرز نے ویسٹ انڈیز کو دوسرے ٹیسٹ میچ کی پہلی اننگز میں صرف 163 رنز پر ڈھیر کر دیا۔
ملتان کے انٹرنیشنل کرکٹ سٹیڈیم میں کھیلے جا رہے دوسرے ٹیسٹ میچ میں ویسٹ انڈیز کے کپتان کریگ بریتھ ویٹ نے ٹاس جیت کر پہلے بیٹنگ کا فیصلہ کیا۔ ویسٹ انڈین اوپنرز کریگ بریتھ ویٹ اور مائیکل لوئس نے اننگز کا آغاز کیا، تاہم پاکستان کے ڈیبیو کرنے والے فاسٹ باؤلر کاشف علی نے اپنے پہلے ہی اوور میں مائیکل لوئس کو آؤٹ کیا۔
پاکستان کی دوسری کامیابی ساجد خان کے حصے میں آئی، جنہوں نے عامر جنگو کو آؤٹ کیا۔ اس کے بعد نعمان علی نے شاندار بولنگ کا مظاہرہ کیا اور ویسٹ انڈین بیٹرز کو ایک کے بعد ایک پویلین واپس بھیج دیا۔ نعمان علی نے 4 کھلاڑیوں کو پویلین کی راہ دکھائی اور اپنے شاندار اسپن سے ویسٹ انڈیز کو بکھیر دیا۔
نعمان علی کی ہیٹ ٹرک اور 6 وکٹیں نعمان علی نے اس میچ میں ہیٹ ٹرک کی اور پاکستان کے پہلے سپنر بن گئے جنہوں نے ٹیسٹ کرکٹ میں ہیٹ ٹرک مکمل کی۔ ویسٹ انڈیز کی 9 ویں وکٹ 95 کے مجموعے پر گری، جب نعمان علی نے کیمار روچ کو آؤٹ کیا اور پانچ وکٹوں کا اپنا شکار مکمل کیا۔ اس کے بعد انہوں نے آخری وکٹ بھی حاصل کی اور کل 6 کھلاڑیوں کو آؤٹ کر کے ویسٹ انڈیز کو 163 رنز پر ڈھیر کر دیا۔
ساجد خان نے 2 وکٹیں لیں، جبکہ کاشف علی اور ابرار احمد نے ایک ایک کھلاڑی کو آؤٹ کیا۔ ویسٹ انڈیز کی جانب سے گداکیش موتی 55 رنز کے ساتھ سب سے نمایاں بیٹر رہے، جبکہ باقی کھلاڑیوں میں سے 7 بیٹر ڈبل فگر میں نہ جا سکے، اور 4 کھلاڑی صفر پر آؤٹ ہو گئے۔
ویسٹ انڈیز کے کپتان کریگ بریتھ ویٹ نے ٹاس جیت کر پہلے بیٹنگ کا فیصلہ کیاتھا۔ انہوں نے کہا کہ ان کی کوشش ہو گی کہ ٹیم پہلی اننگز میں بڑا سکور کرے۔
قومی کپتان شان مسعود نے کہا کہ پاکستان کی حکمت عملی یہ ہے کہ وہ ویسٹ انڈیز کے بیٹنگ لائن کو سپنرز کے ذریعے دباؤ میں رکھے گا۔ انہوں نے مزید بتایا کہ ٹیم میں ایک تبدیلی کی گئی ہے، جس میں فاسٹ باؤلر کاشف علی کو ٹیسٹ ڈیبیو کرایا گیا ہے، جبکہ خرم شہزاد کو آرام دیا گیا ہے۔
