اسلام آباد: پاکستان میں کورونا وائرس مزید17 زندگیاں نِگل گیا جبکہ مثبت کیسز کی شرح 13 فیصد کے قریب جا پہنچی ہے۔
نیشنل کمانڈ اینڈ آپریشن سنٹر ( این سی او سی) کے مطابق ملک بھر میں24 گھنٹے کے دوران 49 ہزار 595 کورونا ٹیسٹ کیے گئے جس میں 6 ہزار 357 افراد میں کورونا وائرس کی تشخیص ہوئی، مثبت کیسز کی شرح 12 اعشاریہ 81 فیصد رہی۔ملک بھر میں کورونا سے متاثرہ مریضوں کی مجموعی تعداد13لاکھ 81 ہزار 157 ہوگئی۔
Statistics 25 Jan 22:
— NFRCC (@NFRCCofficial) January 25, 2022
Total Tests in Last 24 Hours: 49,595
Positive Cases: 6357
Positivity %: 12.81%
Deaths :17
Patients on Critical Care: 1200
این سی او سی کے اعدادوشمار کے مطابق ملک میں کورونا کے باعث مزید 17 افراد انتقال کر گئے جس کے بعد اموات کی مجموعی تعداد 29 ہزار 122 ہوگئی۔این سی او سی کا کہنا ہے کہ کورونا سے متاثر1200مریضوں کی حالت تشویشناک ہے جو کہ آئی سی یو میں زیر علاج ہیں۔
