اسلام آباد:وزیراعظم عمران خان نے کہا ہے کہ دنیا اب بھارت اور مقبوضہ کشمیر میں مودی کے جمہوری دشمن اور فاشسٹ نظریے کے تسلط کا اعتراف کررہی ہے،مودی کا رویہ علاقائی امن و استحکام کے لئے سب سے بڑا خطرہ ہے۔
دنیا اب برملا تسلیم کررہی ہےکہ مقبوضہ جموں و کشمیر اور بھارت میں غیرجمہوری اور فاشسٹ نظریہ مسلط کیاجارہا ہے۔ یہ خطے کی سلامتی اور امن کیلئے سب سے بڑا خطرہ ہے۔80 لاکھ کشمیری اور بھارت میں بسنے والے مسلمان پہلے ہی مودی کی سفاک پالیسیوں کی بھینٹ چڑھ رہے ہیں۔
— Imran Khan (@ImranKhanPTI) January 25, 2020
pic.twitter.com/9e2rJonZUB
انہوں نے ٹوئٹر پر معروف جریدے دی اکانومسٹ کے سرورق کی تصویر کا اشتراک کیا جس میں عدم برداشت والا بھارت کی سرخی سے مضمون لکھا گیا ہے جس کے ذیل میں کہا گیا ہے کہ مودی کیسے دنیا کی سب سے بڑی جمہوریت کو خطرے میں ڈال رہا ہے۔
وزیراعظم عمران خان نے کہا کہ دنیا اب تسلیم کررہی ہے کہ مودی حکومت بھارت اور مقبوضہ جموں کشمیر میں جمہوریت مخالف اور فسطائی نظریے کو مسلط کر رہی ہے۔
عمران خان نے مزید کہا کہ مودی کا رویہ علاقائی امن و استحکام کے لئے سب سے بڑا خطرہ ہے، جبکہ ہندوستان میں پہلے ہی مسلمان اور 80 لاکھ کشمیری مودی کی فاشسٹ پالیسیوں کی وجہ سے مظالم کا شکار ہیں۔
