لاہور: لالی ووڈ کے معروف اداکار شان شاہد نے وزیر اعظم عمران خان کو ”آخری سرجن “قرار دے دیا، انہوںنے کہا کہ عمران خان وہ آخری سرجن ہیں جو خون میں لت پت ہماری دھرتی ماں کی مدد کرنے کی کوشش کر رہے ہیں۔
تفصیلات کے مطابق اداکار شان شاہد نے سوشل میڈیا ویب سائٹ ٹوئٹر پر پیغام جاری کرتے ہوئے وزیر اعظم عمران خان کو تاریخی الفاظ میں خراج تحسین پیش کیا، انہوں نے کہا کہ عمران خان وہ آخری سرجن ہیں جو خون میں لت پت ہماری دھرتی ماں کی مدد کرنے کی کوشش کر رہے ہیں۔ وہ ہمارا مستقبل بہتر بنانے کی کوشش کر رہے ہیں ،آپ انکو لیڈر تسلیم کرتے ہوں یا نہ ہوں مگر وہ پاکستان کی آخری امید ہیں۔
Imran Khan the last surgeon who is trying to revive our bleeding mother land help him help our future he might not be a leader for all of us but he sure is our last hope for all the Pakistanis❤️????????????????
— Shaan Shahid (@mshaanshahid) January 23, 2019
واضح رہے کہ پاکستان تحریک انصاف کی حکومت کو قائم ہوئے 4 ماہ سے زائد کا عرصہ گزر چکا ہے۔ پاکستان تحریک انصاف کی حکومت اپنی کارکردگی کے قصیدے سناتے ہوئے نہیں تھکتی جبکہ اپوزیشن موجودہ دور حکومت کو بدترین انداز حکومت قرار دیتے ہوئے حکومت پر شدید تنقید کرتے ہیں۔
