کراچی:مقامی صرافہ بازاروں میں 24 قیراط کے فی تولہ سونے کی قیمت میں 800 روپے کی کمی ہوئی ہے، جس کے بعد اس کی قیمت 3 لاکھ 8 ہزار 700 روپے پر آ گئی۔ عالمی اور مقامی مارکیٹوں میں سونے کی قیمتوں میں مسلسل اضافے کے بعد آج پہلی بار کمی دیکھنے کو ملی۔
بین الاقوامی بلین مارکیٹ میں فی اونس سونے کی قیمت میں 8 ڈالر کی کمی آئی ہے، جس کے بعد عالمی قیمت 2940 ڈالر کی سطح پر آ گئی۔
مقامی صرافہ بازاروں میں اس کمی کا اثر فی 10 گرام سونے کی قیمت پر بھی پڑا ہے، جو 686 روپے کی کمی کے بعد 2 لاکھ 64 ہزار 660 روپے تک پہنچ گئی۔ گزشتہ روز یہ قیمت 2 لاکھ 65 ہزار 346 روپے تھی۔
یہ کمی اس وقت آئی ہے جب سونے کی قیمت نے گزشتہ روز عالمی اور مقامی مارکیٹ میں نیا ریکارڈ قائم کیا تھا۔
