ریاض:سعودی عرب کے محکمہ موسمیات نے سردی کی شدت میں اضافے اور درجہ حرارت کے نقطہ انجماد سے نیچے گرنے کی پیشگوئی کی ہے۔ محکمہ موسمیات کے مطابق، سعودی عرب کے شمالی اور شمال مشرقی علاقوں میں آئندہ دو روز کے دوران سردی کی شدت بڑھ جائے گی، جس کا اثر وسطی علاقوں تک بھی پہنچے گا۔
محکمہ موسمیات نے بتایا کہ صبح کے اوقات میں درجہ حرارت نقطہ انجماد سے نیچے جا سکتا ہے، جبکہ وسطی علاقوں میں درجہ حرارت 4 ڈگری سینٹی گریڈ تک رہنے کی توقع ہے۔
مکہ، مدینہ، تبُوک، مشرقی صوبے، ریاض اور نجران میں تیز ہواؤں اور گرد و غبار کے طوفان کی پیشگوئی بھی کی گئی ہے۔