اسلام آباد:آئی ایم ایف کا وفد 3 مارچ کو پاکستان پہنچے گا تاکہ اقتصادی جائزہ لیا جا سکے، اور مذاکرات 15 مارچ تک جاری رہیں گے۔ وزارت خزانہ کے ذرائع کے مطابق، پہلے مرحلے میں تکنیکی اور دوسرے مرحلے میں پالیسی سطح کے مذاکرات ہوں گے۔ نیتھن پورٹر کی قیادت میں 9 رکنی آئی ایم ایف وفد تقریباً دو ہفتے پاکستان میں قیام کرے گا۔
ذرائع کے مطابق، آئی ایم ایف وفد آئندہ مالی سال 2025-26 کے بجٹ کے لیے اپنی تجاویز پیش کرے گا، اور ان تجاویز کی منظوری کے بعد ہی تنخواہ دار طبقے کو ریلیف ملنے کا امکان ہوگا۔ مذاکرات وزارت خزانہ، وزارت توانائی، وزارت منصوبہ بندی، اور سٹیٹ بینک کے ساتھ ہوں گے، اور ایف بی آر، اوگرا، نیپرا سمیت دیگر اداروں کے ساتھ بھی بات چیت کی جائے گی۔
علاوہ ازیں، پنجاب، سندھ، خیبرپختونخواہ اور بلوچستان سے الگ الگ مذاکرات کیے جائیں گے، اور کلائمیٹ فنانسنگ پر پنجاب اور بلوچستان کے ساتھ آج تکنیکی سطح پر مذاکرات ہوں گے۔
