کراچی: میئر کراچی مرتضیٰ وہاب عباسی شہید ہسپتال کی لفٹ میں پھنس گئے۔ ہسپتال حکام کے مطابق، لفٹ چوتھی منزل سے تیزی سے پہلی منزل تک پہنچنے کے بعد پھنس گئی تھی، تاہم اس میں موجود میئر کراچی، ڈپٹی میئر اور دیگر 15 افراد محفوظ رہے۔
لفٹ میں پھنسنے کے دوران میئر اور دیگر افراد 5 سے 10 منٹ تک پھنسے رہے، مگر خوش قسمتی سے کوئی جانی نقصان نہیں ہوا۔ میئر مرتضیٰ وہاب ہسپتال میں ہیموفیلیا سوسائٹی ٹریٹمنٹ سینٹر کا افتتاح کرنے کے لیے آئے تھے۔
