کراچی : پاکستان سٹاک ایکسچینج میں زبردست تیزی کا رجحان دیکھا جا رہا ہے، اور انڈیکس نے ایک مرتبہ پھر ایک لاکھ 15 ہزار کی حد عبور کر لی ہے۔
کاروباری ہفتے کے دوسرے روز اسٹاک مارکیٹ میں مثبت آغاز ہوا، جہاں کاروبار کے شروع ہوتے ہی 100 انڈیکس میں 1513 پوائنٹس کا اضافہ ہوا، جس کے نتیجے میں انڈیکس ایک لاکھ 15 ہزار 843 پوائنٹس تک پہنچ گیا۔ گزشتہ روز سٹاک مارکیٹ میں ہنڈرڈ انڈیکس ایک لاکھ 14 ہزار 330 پوائنٹس کی سطح پر بند ہوا تھا، اور 18 ارب 75 کروڑ 3 لاکھ 30 ہزار 856 روپے مالیت کے 21 کروڑ 40 لاکھ 98 ہزار 48 شیئرز کا لین دین ہوا تھا۔
دوسری جانب، ڈالر کی قیمت میں اتار چڑھاؤ کا سلسلہ جاری ہے۔ ایکسچینج کمپنیز ایسوسی ایشن کے مطابق انٹر بینک میں ڈالر 6 پیسے سستا ہو گیا، جس کے بعد ڈالر کی قیمت 279 روپے 60 پیسے ہو گئی۔