لاہور: دنیا بھر کی طرح پاکستان میں بھی مسیحی برادری جوش و خروش سے کرسمس کا تہوار منا رہے ہیں۔ کراچی میں سینٹر پیٹرک چرچ میں خصوصی عبادات اور دعائیہ تقریبات ہوئیں۔ اسلام آباد میں کرسمس کی راویتی خوشیاں منائی جا رہی ہیں۔ گرجا گھروں میں سیکیورٹی کے بھی سخت انتظامات کیے گئے ہیں۔
لاہور میں تمام کتھولک چرچوں کو برقی قمقموں سے سجا یا گیا ہے۔ فیصل آباد میں چائلڈ پروٹیکشن اینڈ ویلفیئر بیورو کے زیر اہتمام کرسمس کی تقریب کا انعقاد کیا گیا۔
ملتان کے مختلف علاقوں میں، گلی محلوں کو سجایا گیا ہے اور کرسمس کے کیک کاٹے جا رہے ہیں۔ پشاور کے مختلف گرجا گھروں میں عبادات کا اہتمام کیا گیا جس میں مسیحی بچوں اور بڑوں کی تعداد نے بڑھ چڑھ کر حاصل لیا۔
ملک بھر کے چرچوں میں دعائیہ تقریبات میں ملکی ترقی، امن، سلامتی و خوشحالی کیلیے خصوصی دعائیں بھی کی گئیں۔
