لاہور: بھارت نے پاکستانی اسنوکر ٹیم کو ویزے دینے سے انکار کردیا۔
تین کیوئسٹ احسن رمضان، حمزہ الیاس اورحسنین اختر کے ساتھ چیئرمین پاکستان بلیئرڈ اینڈ اسنوکر ایسوسی ایشن عالمگیر شیخ اور ریفری نوید کپاڈیا نے ورلڈ انڈر سیون 17 اورانڈر 21 چیمپئن شپ میں شرکت کے لیے ویزہ درخواست جمع کروائی تھی لیکن بھارت نے پاکستانی اسنوکر ٹیم کو ویزہ دینے سے انکار کردیا ہے۔
یہ ایونٹ 24 سے 31 اگست تک بنگلور میں شیڈول ہے۔
چیئرمین پاکستان بلیئرڈ ایند اسنوکر ایسوسی ایشن عالمگیر شیخ نے ویزہ درخواست مسترد کیے جانے پر افسوس کا اظہارکیا ہے۔ ان کا موقف ہے کہ پاکستان اسپورٹس بورڈ کے ساتھ تمام وزارتوں کے این او سیز لے کر ویزوں کے لیے اپلائی کیا تھا۔
ان کا مزید کہنا تھا کہ ویزہ دینے سے انکار کرکے بھارت نے پاکستان کو یقنی میڈلز سے محروم کیا ہے۔اس حوالے سے ہم نے انٹرنیشنل ورلڈا سنوکر ایسوسی ایشن اور بھارتی منتظمین سے بھرپور احتجاج کیا ہے۔