کراچی: اسٹیٹ بینک آف پاکستان نے بیرون ملک مقیم پاکستانیوں کے لیے روشن اپنا گھر اسکیم متعارف کرا دی۔
اسٹیٹ بینک نے ایک اسکیم متعارف کرائی ہے جس کے تحت بیرون ملک پاکستانی دنیا بھر میں کہیں سے بھی روشن ڈیجیٹل اکاؤنٹ کے ذریعے پاکستان میں اپنا گھر خرید سکتے ہیں، یا فنانس کروا سکتے ہیں۔
اسٹیٹ بینک کا کہنا ہے کہ بیرون ملک مقیم پاکستانی گھر بیٹھے ڈیجیٹل ذریعے سے روشن اپنا گھر اسکیم میں شامل ہو سکتے ہیں۔
Something exciting for #OverseasPakistanis is coming soon. Stay connected for more details! pic.twitter.com/7zmeRAxIJG
— SBP (@StateBank_Pak) August 25, 2021
روشن اپنا گھر اسکیم میں ٹیکس کا نظام سادہ اور حتمی ہے، اسکیم میں جائیداد کی فروخت کی صورت میں رقم مکمل طور پر قابل منتقلی ہے، اور کوئی پوچھ گچھ نہیں ہوگی۔ اسٹیٹ بینک کے مطابق روشن اپنا گھر اسکیم میں فنانسنگ بھی پُر کشش شرح منافع پر فراہم کی گئی ہے۔
Roshan Apna Ghar is yet another great initiative for our overseas Pakistanis by @StateBank_Pak & @FinMinistryPak#RoshanApnaGhar by #RoshanDigitalAccount offers a Digital & repatriable solution for overseas Pakistanis' real estate investment & mortgage financing needs in Pak
— Faisal Javed Khan (@FaisalJavedKhan) August 24, 2021
سینیٹر فیصل جاوید نے سماجی رابطے کی ویب سائٹ ٹویٹر پر اپنے پیغام میں کہا تھا کہ حکومت نے اوورسیز پاکستانیوں کے لیے روشن اپنا گھر پروگرام متعارف کرانے کا فیصلہ کیا ہے، وزیر اعظم عمران خان جمعے کو یہ منصوبہ لانچ کریں گے۔
