راولپنڈی: پشتو زبان کی مشہور گلوکارہ نازیہ اقبال کی 2 بیٹیوں سے مبینہ زیادتی کے مقدمے میں گلوکارہ کے بھائی کو گرفتار کر لیا گیا۔ پولیس کے مطابق گلوکارہ نازیہ اقبال نے اپنے 19 سالہ بھائی افتخار کے خلاف تھانہ روات میں درخواست دی تھی۔
اپنی درخواست میں گلوکارہ نے الزام عائد کیا کہ ان کے بھائی نے متعدد مرتبہ ان کی 8 اور 12 سالہ بیٹیوں سے اُس وقت مبینہ طور پر زیادتی کی جب وہ اور ان کے شوہر کنسرٹس کے سلسلے میں گھر سے باہر ہوتے تھے۔
مزید پڑھیں: علی ظفر کے نوٹس کے بعد میشاشفیع نے بھی قانونی راستہ اختیار کر لیا
نازیہ اقبال نے بتایا کہ جب وہ گھر سے باہر جاتی تھیں تو اپنی بیٹیوں کی دیکھ بھال کے لیے اپنے بھائی کو گھر پر چھوڑ کر جاتی تھیں۔ خاتون نے دعویٰ کیا کہ ان کے بھائی نے ان کی بیٹیوں کی دیکھ بھال کے بجائے ان کا ریپ کیا اور انہیں خاموش رہنے کے لیے ڈرایا دھمکایا۔
گلوکارہ نے یہ بھی دعویٰ کیا کہ انہوں نے منگل کو اپنے بھائی کو اپنی بیٹی کے ساتھ زیادتی کرتے ہوئے پکڑا اور اس کے بعد مقدمہ درج کروایا۔ ایس ایچ او روات پولیس کے مطابق نازیہ اقبال کے بھائی کو گرفتار کر لیا گیا ہے اور مزید تفتیش کی جا رہی ہے۔
یہ بھی پڑھیں: معروف اداکارہ مدیحہ گوہر لاہور میں انتقال کر گئیں
انہوں نے مزید بتایا کہ دونوں متاثرہ بچیوں کا میڈیکل کرا لیا گیا ہے اور میڈیکل نمونے ٹیسٹ کے لیے پنجاب فرانزک لیب لاہور بھیج دیئے گئے ہیں۔ ایس ایچ او کا مزید کہنا تھا کہ ملزم کا ڈی این اے ٹیسٹ کرانے کا بھی فیصلہ کیا گیا ہے۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
