اسلام آباد: سینیٹر فیصل واوڈا نے پی ٹی آئی کے اندرونی مسائل پر بات کرتے ہوئے کہا کہ پارٹی کے رہنما موجودہ قیادت کے ساتھ سمجھوتے کر چکے ہیں۔ انہوں نے وضاحت کی کہ تحریک انصاف نے آئینی ترمیم کی شقوں کو تو ووٹ دیا، لیکن اصل ترمیم پیش نہیں کی۔
انہوں نے یہ بھی بتایا کہ بانی کی ملاقاتوں پر پابندی پی ٹی آئی رہنماؤں کی درخواست پر لگائی گئی، اور اس کے علاوہ 62 امریکی سینیٹرز کے خط کے ذریعے بانی اور اسٹیبلشمنٹ کے درمیان فاصلے بڑھائے گئے ہیں۔
فیصل واوڈا نے یہ سوال اٹھایا کہ اگر بشریٰ بی بی کی رہائی کسی ڈیل کے تحت نہیں ہوئی تو بنی گالہ میں حالیہ تزئین و آرائش اور صفائی کی کیا وجہ ہے؟
