ملواکی: امریکی صدارتی امیدوار کاملا ہیرس کی گاڑی ایک حادثے سے بچ گئی، جب ایک شخص غلط سمت سے تیز رفتار گاڑی لے کر آیا، جسے حراست میں لے لیا گیا ہے۔
بین الاقوامی خبر رساں ادارے کے مطابق، کاملا کی جان کے خطرات کو دور کرنے میں ناکامی پر امریکہ کی خفیہ سروسز کو ایک بار پھر تنقید کا سامنا کرنا پڑ رہا ہے۔
ریاست وسکونسن کے شہر ملواکی کے دورے کے دوران، کاملا ہیرس کا کانوائے انٹراسٹیٹ 94 سے گزر رہا تھا، جب غلط سمت سے آنے والی تیز رفتار گاڑی ان کے قافلے کی طرف بڑھنے لگی۔
رپورٹس کے مطابق، گاڑی چلانے والا شخص نشے کی حالت میں تھا اور اسے نشے کی حالت میں گاڑی چلانے پر گرفتار کر لیا گیا۔ ملزم کی عمر 55 سال ہے اور وہ اسی شہر کا رہائشی ہے۔