لاہور : محکمہ موسمیات نے ملک کے مختلف علاقوں میں بارش کا امکان ظاہر کیا ہے۔
عمومی طور پر، زیادہ تر علاقوں میں موسم خشک رہے گا، لیکن بالائی خیبر پختونخوا، گلگت بلتستان، کشمیر اور خطہ پوٹھوہار میں مطلع ابر آلود رہنے کے ساتھ ساتھ چند مقامات پر تیز ہواؤں اور گرج چمک کے ساتھ بارش کا امکان ہے۔
اسلام آباد اور اس کے گرد و نواح میں بھی جزوی ابر آلود موسم کی پیشگوئی کی گئی ہے، خاص طور پر صبح کے وقت تیز ہواؤں اور گرج چمک کے ساتھ بارش کا امکان موجود ہے۔
بلوچستان کے بیشتر اضلاع میں موسم خشک رہے گا، جبکہ شمالی اضلاع میں جزوی ابر آلود موسم ہو سکتا ہے۔ پنجاب کے زیادہ تر اضلاع بھی خشک رہیں گے، مگر راولپنڈی، اٹک، چکوال، منڈی بہاؤالدین، جہلم، مری، گلیات اور دیگر مقامات پر بارش کی توقع کی جا رہی ہے۔
سندھ کے بیشتر علاقوں میں موسم گرم اور خشک رہے گا۔ خیبر پختونخوا کے کچھ بالائی اضلاع جیسے چترال، سوات، کوہستان، اور دیگر میں بھی تیز ہواؤں اور گرج چمک کے ساتھ بارش کی پیشگوئی کی گئی ہے۔ گلگت بلتستان اور کشمیر میں بھی ابر آلود موسم کے ساتھ بارش کا امکان ہے۔
