نیروبی : سینئر صحافی ارشد شریف کے پولیس کے ہاتھوں قتل کی تحقیقات کرنے والے پولیس آفیسر کا کہنا ہے کہ سچ وہ نہیں جو پولیس نے رپورٹ کیا ہے بلکہ واقعہ کے پیچھے اصل کہانی کچھ اور ہے۔
کینیا کی نیوز ویب سائٹ دی ایسٹ افریقن نے اپنی رپورٹ میں ارشد شریف کے قتل کی تحقیقات کرنے والے ایک پولیس آفیسر کےحوالے سے بتایا کہ " سچ کچھ اس میں ہوسکتا ہے جو ڈاکومنٹڈ نہیں ہے۔"
Much striking detail in this Kenyan news report about the police shooting that killed Pakistani reporter Arshad Sharif: "An officer privy to the investigation said that 'the truth might be in what has not been documented' in the police report."https://t.co/b4qMuvj9Wv
— Declan Walsh (@declanwalsh) October 24, 2022
کینین میڈیا کی طرف سے پولیس کے ہاتھوں قتل ہونے والے پاکستانی سینئر صحافی ارشد شریف کے واقعہ پر بیان پر شکوک و شہبات کا اظہار کیا جار ہا ہے۔ پولیس نے جائے وقوعہ کو گھیرا ہوا ہے اور کسی کو بھی وہاں جانے نہیں دے رہی۔
دوسری طرف پولیس کی طرف سے جاری بیان میں کہا گیا ہے کہ ارشد شریف نامی پاکستانی شہری کی ہلاکت "غلط فہمی" کی وجہ سے ہوئی ہے۔ واقعہ کی تحقیقات کی جا رہی ہے اورذمہ داروں کو سزا دی جائے گی۔
پولیس حکام کی جانب سے سینئر صحافی ارشد شریف کے اہلخانہ سے اظہار تعزیت بھی کیا گیا ہے۔
