راولپنڈی:تحریک لبیک کے رہنما خادم حسین رضوی کی گرفتاری کے بعد پاک فوج کے شعبہ تعلقات عامہ(آئی ایس پی آر) کے ڈائریکٹر جنرل میجر جنرل آصف غفور کی جانب سے ایک ٹوئٹ سامنے آیا ہے جس میں انہوں نے لوگوں کو براہ راست مخاطب کیے بغیر بہت سی باتیں بیان کردی ہیں۔
تفصیلات کے مطابق علامہ خادم حسین رضوی کو جمعہ اور ہفتہ کی درمیانی شب لاہور کے علاقے ہنجروال سے ان کے حجرے سے گرفتار کیا گیا تھا۔ خادم رضوی کی گرفتاری کے بعد ڈی جی آئی ایس پی آر نے قرآن پاک کی ایک آیت ٹویٹ کی جس کا ترجمہ کچھ یوں ہے کہ ۔
وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ۔
— Asif Ghafoor (@peaceforchange) November 23, 2018
اور جب ان سے کہا جاتا ہے کہ زمین میں فساد نہ کرو تو جواب دیتے ہیں کہ ہم تو صرف اصلاح کرنے والے ہیں۔
” اور جب ان سے کہا جاتا ہے کہ زمین میں فساد نہ کرو تو جواب دیتے ہیں کہ ہم تو صرف اصلاح کرنے والے ہیں“۔ڈی جی آئی ایس پی آر میجر جنرل آصف غفور نے ایک اور ٹویٹ کی جس میں انہوں نے ختم نبوتﷺپر ایمان کو اسلام کا لازمی جزو قرار دیا۔ انہوں نے لکھا ” پاکستان ایک مسلمان ریاست ہے۔ کوئی بھی مسلمان پیارے نبی حضرت محمدﷺ کی ختم نبوتﷺ اور عزت و وقار پر سمجھوتہ نہیں کرسکتا“۔
Pakistan is a Muslim state. No Muslim can compromise on finality, respect and dignity of our beloved Prophet Muhammad صلی اللہ علیہ و آلہ وسلم pic.twitter.com/BkproUsC9V
— Asif Ghafoor (@peaceforchange) November 23, 2018
خیال رہے وفاقی وزیر اطلاعات فواد چودھری کے مطابق خادم حسین رضوی کو 25 نومبر کو احتجاج کی کال واپس نہ لینے کی وجہ سے تحویل میں لے کر مہمان خانے منتقل کردیا گیا ہے۔
