ماسکو: روس رشوت لینے والے سینئر فوجی و سول افسران کے خلاف گھیرا تنگ کردیا گیا ہے۔ ایک اور سینئیر جنرل کو رشوت لینے کے الزام میں گرفتار کرلیا گیا۔
روس کی سرکاری خبرایجنسی کے مطابق روس کی فوجی عدالت نے روسی جنرل اسٹاف کے نائب سربراہ وادیم شمرین کو ریمانڈ پر جیل بھیجنے کا حکم دیا۔ روسی جنرل کو رشوت لینے کے الزام میں گرفتارکیا گیا ہے۔ الزامات ثابت ہونے پر انہیں 15 سال تک قید کی سزا ہو سکتی ہے۔
ایجنسی کا مزید کہنا ہے کہ عدالت نے وادیم شمرین کو 2 ماہ کے لیے زیرحراست رکھنے کے احکامات جاری کیے۔ سینئر روسی جنرل کی گرفتاری کو بعض سینئر فوجی افسران کے خلاف جاری کریک ڈاؤن کے تسلسل میں دیکھا جا رہا ہے۔
گزشتہ چند ہفتوں میں روس کے ایک نائب وزیر دفاع تیمور ایوانوف اور وزارت کے اہلکاروں کے سربراہ یوری کزنیتسوف کو بھی رشوت لینے کے الزام میں گرفتار کیا جا چکا ہے
