ریاض: سعودی عرب میں کام کرنے والوں کے لئے خوشخبری، سعودی حکومت نے اقامے اور ویزے کی توسیع مفت کرنے کا اعلان کردیا۔
سعودی فرمانروا شاہ سلمان کے حکم پر سعودی اقامے اور ویزے کی توسیع مفت کرنے کا اعلان کر دیا گیا۔ شاہی فرمان کے مطابق سعودی عرب سے باہر ممالک میں موجود اقامہ اور ویزا ہولڈرز کے دستاویزت میں توسیع و انٹری مفت ہو گی۔
#BREAKING: King Salman orders free extension of iqama, exit, visit and reentry visas of expatriates who are outside #SaudiArabia at countries which arrival has been suspended from pic.twitter.com/WHrj8mG76x
— Saudi Gazette (@Saudi_Gazette) May 24, 2021
واضح رہے سعودی حکومت نے سعودی عرب سے باہر ممالک میں موجود باشندوں کے اقامہ اور ویزا معطل کر رکھے تھے۔
کرونا وائرس کے بعد حکومت کی جانب سے خصوصی طور پر ابشر اکاؤنٹ کے ذریعے خروج و عودہ اور اقامہ کی مدت میں توسیع کا آپشن فراہم کیا گیا ہے تاہم بعض افراد اس حوالے سے غلطی یہ کرتے ہیں کہ وہ فیس جمع نہیں کرواتے یا کچھ لوگ فیس جمع کروانے کے بعد یہ تصور کر لیتے ہیں کہ ویزے کی مدت میں توسیع ہوگئی۔
فیس جمع کروانے کے بعد لازمی ہے کہ ابشر اکاؤنٹ کے ذریعے خروج وعودہ کی مدت میں توسیع کی کمانڈ دی جائے تاکہ کارروائی مکمل ہو سکے۔
ہر دو صورتوں میں پراسس مکمل کرنا لازمی ہے، مطلوبہ دنوں یا ماہ کی فیس جمع کروانے کے بعد جوازات کے ابشر اکاؤنٹ کے ذریعے باقی کارروائی مکمل کرنا بھی لازمی ہے۔
