ڈھاکہ: بنگلا دیش کے سابق کپتان تمیم اقبال کو ڈھاکہ پریمیئر لیگ کے میچ کے دوران سینے میں تکلیف محسوس ہوئی، جس کے بعد انہیں فوری طور پر ہسپتال منتقل کیا گیا۔
تمیم اقبال فیلڈنگ کے دوران سینے میں درد کی شکایت کر رہے تھے، جس کے بعد ابتدائی طور پر ان کی ہسپتال منتقلی کے لیے ہیلی کاپٹر کا انتظام کیا گیا تھا، مگر ہیلی کاپٹر کے اڑان میں مشکلات کے باعث انہیں قریبی ہسپتال لے جایا گیا۔
یہ واقعہ میچ کے آغاز کے فوراً بعد ہوا، جب تمیم اقبال محمڈن اور شائن پوکر کے درمیان میچ کی پہلی اننگز میں فیلڈنگ کر رہے تھے۔
تمیم اقبال نے بنگلہ دیش کے لیے 70 ٹیسٹ، 243 ون ڈے اور 78 ٹی 20 انٹرنیشنل میچز کھیلے ہیں۔