کراچی : پاکستان سٹاک ایکسچینج میں کاروبار کے آغاز کے بعد مثبت رجحان دیکھنے کو ملا، تاہم بعد ازاں مارکیٹ میں اچانک مندی آ گئی۔ کاروباری ہفتے کے پہلے روز مارکیٹ میں تیزی آئی اور ہنڈرڈ انڈیکس میں 300 سے زائد پوائنٹس کا اضافہ ہوا، جس کے نتیجے میں انڈیکس ایک لاکھ 18 ہزار 797 پوائنٹس کی بلند سطح پر پہنچ گیا۔
تاہم، بعد میں ٹریڈنگ کے دوران سٹاک مارکیٹ منفی زون میں چلی گئی، اور انڈیکس 500 سے زائد پوائنٹس کی کمی کے ساتھ ایک لاکھ 18 ہزار پوائنٹس کی حد تک گر گیا۔
یاد رہے کہ گزشتہ کاروباری ہفتے کے اختتام پر بھی سٹاک مارکیٹ میں مندی رہی تھی، جب ہنڈرڈ انڈیکس میں 327 پوائنٹس کی کمی ہوئی تھی اور انڈیکس ایک لاکھ 18 ہزار 442 پوائنٹس کی سطح پر بند ہوا ۔