نواب شاہ : نواب شاہ میں زمین کے تنازع پر فریقین میں فائرنگ کے نتیجے میں 6 افراد جاں بحق اور 8 زخمی ہو گئے۔
ایس ایچ او پبجو خالد نے بتایا کہ لاشوں اور زخمیوں کو پیپلز میڈیکل اسپتال منتقل کر دیا گیا ہے۔ واقعہ زمین کے تنازع پر پیش آیا۔جاں بحق افراد کا تعلق ایک فریق سے بتایا جا رہا ہے ، واقعے کے بعد علاقے میں خوف و ہراس پھیل گیا ہے۔
دوسری جانب وزیراعلیٰ سندھ مراد علی شاہ نے واقعے کا نوٹس لیتے ہوئے علاقے میں امن قائم کرنے کے لیے فوری اقدامات کرنے کی ہدایت دی ہے۔ آئی جی سندھ کے مطابق کشیدہ صورتحال کے باعث ضلع میں پولیس الرٹ ہے۔
