ٹیسلا کمپنی کا بٹ کوائن میں گاڑیاں بیچنے کا باقاعدہ اعلان

لاہور: بجلی سے چلنے والی گاڑیاں بنانے والی معروف کمپنی ’ٹیسلا‘ نے بٹ کوائن میں گاڑیاں بیچنے کاباقاعدہ اعلان کر دیا ہے اور فی الحال یہ سہولت امریکی خریداروں کیلئے متعاراف کرائی گئی ہے۔ 
تفصیلات کے مطابق ٹیسلا کے بانی ایلن مسک نے اپنے بیان میں کہا کہ اب ہمارے گاہک بن کوائن کے ذریعے گاڑیاں خرید سکتے ہیں اور فی الحال یہ سہولت امریکہ میں رہنے والے افراد کیلئے ہے البتہ دیگر ممالک کے افراد رواں سال کے آخر تک اس سہولت سے مستفید ہو سکیں گے۔ 

ان کا کہنا تھا کہ بٹ کوائن سے خریداری کی صورت میں ادا کی جانے والی رقم بٹ کوائن کی صورت میں ہی کمپنی کے پاس رہے گی اور اس کے عوض دیگر کرنسی نہیں لی جائے گی۔ یہاں یہ امر قابل ذکر ہے کہ بٹ کوائن کی قیمت میں اتار چڑھاؤ ہوتا رہتا ہے جس کا مطلب ہے کہ اس کے ذریعے خریداری کے خواہشمند افراد کیلئے گاڑی کی قیمتیں بھی تبدیل ہوتی رہیں گی۔ 

واضح رہے کہ ایلن مسک کے ٹویٹ کے بعد بن کوائن کی قیمت میں اچانک چار فیصد اضافہ ہو گیا ہے جس سے دوسری کرنسیوں میں کاروبار کرنے والے سرمایہ کاروں کو بے حد نقصان بھی ہوا ہے۔ یاد رہے کہ کچھ عرصہ قبل ٹیسلا نے 1.5 بلین ڈالرز کی بٹ کوائن بھی خریدی تھیں جس کے بعد اس کی قیمت میں بے پناہ اضافہ ہوا۔