اسلام آباد:پاکستان پیپلز پارٹی لاہور اور وسطی پنجاب کی قیادت نے آئندہ سینٹرل ایگزیکٹیو کمیٹی (سی ای سی) اجلاس کے لیے اپنی سفارشات تیار کر لی ہیں۔ ان سفارشات میں پنجاب میں درپیش مسائل اور ن لیگ کے ساتھ پاور شیئرنگ کے معاملات پر تفصیل سے بریفنگ دی جائے گی۔
ذرائع کے مطابق، پیپلز پارٹی لاہور اور وسطی پنجاب کی قیادت نے سی ای سی اجلاس میں پنجاب کے مسائل اور ن لیگ کے ساتھ مشکلات پر بات کرنے کا فیصلہ کیا ہے۔ تنظیم کے ارکان اسمبلی کی کارکردگی کے حوالے سے بھی قیادت کو آگاہ کیا جائے گا۔
پنجاب کی تنظیم مرکزی قیادت کو صوبے میں تنظیمی امور میں پیشرفت سے آگاہ کرے گی، جبکہ لاہور کی تنظیم کے نہ ہونے کے باعث پیدا ہونے والے مسائل بھی اجلاس میں اٹھائے جائیں گے۔ اس کے علاوہ، چیئرمین بلاول بھٹو سے پنجاب کے مختلف اضلاع کے دوروں کی درخواست کی جائے گی تاکہ تنظیمی معاملات میں بہتری لائی جا سکے