گوادر : نیو گوادر انٹرنیشنل ائیرپورٹ سے بین الاقوامی پروازوں کا آغاز ہوگیا ہے، اور قومی ائیر لائن پی آئی اے کی پہلی پرواز مسقط کیلئے روانہ ہوئی۔ ائیرپورٹ ذرائع کے مطابق، یہ طیارہ کراچی سے پی کے 503 کے طور پر مسافروں کو لے کر گوادر پہنچا تھا۔ اس کے بعد اسی طیارے سے دوپہر 2 بجے گوادر کراچی کی پرواز پی کے 504 آپریٹ ہوگی۔
گوادر ائیرپورٹ پر ائیر بس اور بوئنگ طیارے بھی لینڈ کر سکتے ہیں، لیکن فی الحال کم مسافروں کی تعداد کے باعث قومی ائیر لائن گوادر کیلئے اے ٹی آر طیارہ استعمال کر رہی ہے۔ تاہم، اگر مسافروں کی تعداد میں اضافہ ہوتا ہے تو گوادر کیلئے ائیر بس طیارے بھی استعمال کیے جائیں گے۔