ڈمنیشیا سے بچنا ہے تو لائف سٹائل بدلیں، ماہرین صحت نے  خطرناک  مرض سے بچنے کا راز بتادیا

برمنگھم : ڈمنیشا خطرناک مرض ہوتا ہے لیکن  ماہرین صحت کے مطابق ڈمنیشیا سے بچنا ہے تو لائف سٹائل بدلیں۔ماہرین صحت نے  اس خطرناک مرض سے بچنے کا راز بتادیا ہے ،اگر اس طرح زندگی گزاری جائے تو ڈمنیشیا سے  بچا جاسکتا ہے۔

 
ایک تحق کے مطابق  لگ بھگ  تقریباً 900,000 برطانوی ڈیمنشیا کے ساتھ رہ رہے ہیں اور اندازہ لگایا گیا ہے کہ 2040 تک یہ تعداد لاکھوں تک پہنچ جائے گی۔ نئی تحقیق بتاتی ہے کہ طرز زندگی میں اگر چھ تبدیلیاں کرلی جائیں تو    ڈیمنشیا میں مبتلا ہونے کے امکانات کو 18 فیصد تک کم کر سکتے ہیں۔

جرنل آف ایفیکٹیو ڈس آرڈرز میں شائع ہونے والی اس تحقیق میں کہا گیا ہے کہ کارڈیو میٹابولک بیماری (سی ایم ڈی) ہونے سے ابتدائی مسائل کا خطرہ بڑھ سکتا ہے۔اس میں ہارٹ اٹیک، فالج اور ذیابیطس جیسے حالات شامل ہیں۔

ماہرین کے مطابق  جسمانی سرگرمیوں میں مشغول رہنا، سماجی طور پر متحرک ہونا،فعال تفریحی سرگرمیاں،معیاری نیند لینا،تمباکو نوشی اور شراب نوشی سے گریز  ڈمنیشیا جیسے مرض سے بچاسکتا ہے۔ 

محققین نے 60 سال یا اس سے زیادہ عمر کے 2,537 افراد کا معائنہ کیا جنہیں دو سال کے عرصے میں ڈیمنشیا نہیں تھا، اور طرز زندگی کے عوامل اور بیماری کی تاریخ پر ان کا سروے کیا۔ان کا ان کے قد، وزن اور بلڈ پریشر کے ساتھ ساتھ ان کے طرز زندگی اور بیماری کی تاریخ پر بھی جائزہ لیا گیا۔

جو  لوگ  ان عادتوں کو اپناتے تھے وہ قدرے صحت مندرہے اور جو لوگ ان عادتوں سے دور تھے وہ ڈمنیشیا کے مسائل کاشکار تھے ۔لہذا ماہرین صحت کے نزدیک لائف سٹائل بدلنے سے ڈمنیشیا سے دور  ہواجاسکتا ہے۔