حیدرآباد: تحریکِ تحفظِ آئینِ پاکستان اتحاد کے رہنما محمود خان اچکزئی نے کہا ہے کہ ہزاروں افراد اس وقت جیلوں میں قید ہیں کیونکہ انہوں نے ملک میں احتجاج کے طور پر جلوس نکالے۔
انہوں نے مزید کہا کہ ملک کو چلانے کے لیے ہمیں ایک دوسرے کا احترام کرنا چاہیے اور اتحاد کی ضرورت ہے۔ ان کا کہنا تھا کہ پاکستان کی موجودہ صورتحال میں غلط حکمرانوں کے ہاتھوں بحران آیا ہے۔
محمود خان اچکزئی نے پانی کے مسئلے پر بات کرتے ہوئے کہا کہ بین الاقوامی اصولوں کے مطابق ہر علاقے کو اس کا جائز حصہ ملنا چاہیے۔ ان کا کہنا تھا کہ سینیٹ میں قوموں کو برابری کی بنیاد پر نمائندگی ملنی چاہیے تاکہ عوام تک انصاف پہنچ سکے۔
